蕃茄濃湯vs蕃茄凍湯

自從一連的生日慶祝活動，人也懶了不少。即使不想外出吃街的味精，但也懶得下廚。今天快手弄個蕃茄湯，一個湯，分兩日吃，一冷一熱，各有特式，用上蔬菜，健康輕盈。製作也十分簡單，快快手手就弄好。

材料:

蕃茄4隻

洋蔥1隻

薯仔中size 1隻

做法:

先將所有材料去皮切好。

下油開鑊，先炒洋蔥，變透明後，開大火，下白酒。然後加薯仔及蕃茄，用上staub ，只加了半杯水(平時應要2-3碗)，滾後蓋上轉小火。

煲大概15分鐘至薯仔淋透，熄火。用上philips 的攪拌棒，將湯料攪蓉。加鹽調味即可。

雪凍留到第二天，即成蕃茄凍湯。食時加上黑椒，味道更好。

Philips 的手提攪拌機要幾好用，數百元。平日最外用來攪肉碎，自己可以清乾淨切去肥膏才攪碎，不用勞煩豬肉哥哥。今天第一次試用攪拌棒，容易又好用，三兩下，蕃茄及薯仔就打成蓉，想要湯有些口感就要手下留情，不要攪太耐。因為用膠做，我會熄火後才用，最好應放涼才用，但我太心急，放工後也沒時間，一熄火等一下就開始攪了。